Legal contact us flash? Class welcome sign in united.

Per kingdom more, product, server amp centerhelp.

Com archive net microsoft. Not intended, be used directly from your. Enduser popular downloads msdn home developer centers, library.

Ref public jpublic final? Filter visual basic jscript. Vista see reference community new edit has been.

Classlc classsgen classtouch, classvbc properties collapse all language filter!

Arangkada for May 23, 2005

PARAISO SA SUGBO

Sumilon � Kining islaha 125 kilometros gikan sa Cebu City, 10 minutos ra
gikan sa pantalan sa Oslob sa habagatang Sugbo ug 30 minutos gikan sa
Dumaguete City, Negros Oriental. Niabot ko dinhi sa among kaugalingong
bersiyon sa Suruy-Suroy Sugbo. Tungod sa programa sa Cebu Chamber of
Commerce and Industry (CCCI) pagpalambo sa wa pa madiskubrehi nga tourist
spots sa Sugbo, napukaw ang akong dugay nang gitan-ogan nga damgo sa pagduaw
sa labing hilit nga mga lugar sa probinsiya. Ug nakadawat mig imbitasyon sa
pagduaw dinhi.
Gikan sa highway sa habagatang Sugbo, ang Sumilon way kalainan sa ubang
hanap nga mga isla nga makita sa tungatunga sa dagat nga wa gyod kay
hunahuna nga dunggoan. Pero samtang nagkaduol mi sa isla, dihang nagkaklaro
ang puti niyang bas ug berde ug labong nga kalasangan, ang Sumilon inanay
nga mobihag sa imong kasingkasing.
-o0o-
Nga nakaseguro kong maoy nahitabo sa Pamilyang Alegrado dihang una nilang
nakit-an ang isla pila na ka dekadang nilabay. Pero ang aktuwal nga trabaho
pagpalambo sa isla nakabuylo niadto lang Oktubre sa niaging tuig. Ang
labing unang gimbuhaton maong pagpanlimpiyo. Kahugaw ug kabaho, gikan sa
daghang katuigan sa pagbukas sa isla ngadto ni bisan kinsang lokal ug
langyawng mga bisita, maoy nisugat sa mga trabahante sa unang adlaw sa kutas
nilang proyekto.
Ang mga trabahante gihatagan lag lima ka buwan. Bisan kinsang nakakita sa
kadako sa ilang gimbuhaton nipasidaan nga di mahitabong matuman ang plano
sud sa gitakdang panahon. Pag-abot sa Marso karong tuiga, bisan ang mga
trabahante nakugang sa ilang nahimo: Nahimugso nang Sumilon Bluewater
Island Resort (SBIR).
-o0o-
Ang labing dakong problema sa SBIR mao ang tubig ug kuryente. Ang kuryente
nasulbad dayon pinaagi sa generator. Ang tubig mas lisod. Wa pay nakit-ang
tinubdan sa tubig sa isla ug di mahimong kutayan og tubo gikan sa Oslob
tungod sa kakusog sa bawod. Maong kinahanglan silang maghakot og tubig kada
adlaw.
Wa hinuon ning kapugong sa Sumilon pagtanyag og di kasuklan niyang
batobalani sa tanang dumuduong. Ang labing dalayegon nga gihimo sa SBIR mao
nga, gawas sa pagtukod sa unom ka cottages, wa nila hilabti ang labing
dakong bahin ug labing nindot nga bahin sa 24 ektaryas nga isla.
-o0o-
Ang banagbanag sa Sumilon maoy usa sa labing matahom nga akong nakit-an.
Ang duha ka oras nga paglibot sa siot ug batuong agianan libot sa isla, nga
nida nako sa labing taas nga bungtod ug sa labing ubos nga lugot, maoy usa
sa labing halandumon nakong kasinatian.
Segun sa katiguwangan sa Oslob ang Sumilon gikan sa �sumilong.� Ang isla,
gawas nga abundang tinubdan sa isda, maoy tagoanan sa mga mangingisda gikan
sa bagyo. Salamat sa SBIR, ang Sumilon karon nagpabiling dangpanan sa mga
gustong mogakos ug mosinati pagbalik sa kalunsay sa kinaiyahan. [30]

Email: leo_lastimosa@abs-cbn.com

_________________________________________________________________
Express yourself instantly with MSN Messenger! Download today it's FREE!
http://messenger.msn.click-url.com/go/onm00200471ave/direct/01/