P125,000 nga sukli
Nibalik na sang bisyo sa higanteng shopping malls sa Sugbo sa di pagpanghatag og tukmang sukli ngadto sa mga konsumidor. Human gibadlong sa nangaging katuigan tungod sa pagpanukli og candies, karon ang mga tindahan di na gyod hinuon manukli. Igo lang mobalibad nga wa silay P0.25, o P0.50, o bisan P0.75.
Ang mga kustomer nga di ganahan og hasol, o ang mga nagdali, o ang mga nidawat na lang nga wa silay mahimo pagbadlong sa raket, moduko na lang nga kuwang ang ilang sukli. Ambot nganong gawas sa mga pasidaan way nahimo ang Department of Trade and Industry (DTI) ug Bangko Sentral ng Pilipinas (BSP) pagbadlong sa binuang.
Haskang dakoa ining binuanga. Labawng nakapait mao nga hangtod sa akong pagsuwat ini wa pay bisan usa na lang ka tindahan dinhi sa Sugbo ug ubang bahin sa Pilipinas nga nasilotan sa nangalisbo nga kalapasan.
Ang BSP nitataw sab nga ang pagpanukli og candies nakalapas sa Section 52 sa Article II sa New Central Bank Act: Unless otherwise fixed by the Monetary Board, coins shall be legal tender in amounts not exceeding P50 for denominations of 25 centavos and above; and in amounts not exceeding P20 for denominations of 10 centavos or less."
Kon determinado gyong DTI ug BSP pagpatuman sa ilang mga lagda, sayon kaayong pagposte sa ilang mga kawani sa malls aron maoy mangunay pag-dokumento sa kalapasan. Sa bahin sa malls, kon tinuod ang lusot nga kuwang silag sensiyo, nganong di man itakda ang presyo sa notebook og P10 inay P9.75 ug sa lapis og P4 inay P4.25? [30] leo_lastimosa@abs-cbn.com
Nibalik na sang bisyo sa higanteng shopping malls sa Sugbo sa di pagpanghatag og tukmang sukli ngadto sa mga konsumidor. Human gibadlong sa nangaging katuigan tungod sa pagpanukli og candies, karon ang mga tindahan di na gyod hinuon manukli. Igo lang mobalibad nga wa silay P0.25, o P0.50, o bisan P0.75.
Ang mga kustomer nga di ganahan og hasol, o ang mga nagdali, o ang mga nidawat na lang nga wa silay mahimo pagbadlong sa raket, moduko na lang nga kuwang ang ilang sukli. Ambot nganong gawas sa mga pasidaan way nahimo ang Department of Trade and Industry (DTI) ug Bangko Sentral ng Pilipinas (BSP) pagbadlong sa binuang.
-o0o-
Gibanabana nga 500,000 ka Sugbuanon ug mga kustomer gikan sa kasilinganang mga lalawigan ang moduaw sa nagkalainlaing shopping malls sa Metro Cebu matag adlaw. Bisan katunga lang ang nabiktima sa ilad sa sukli, ug ibutang nato nga P0.25 ray kuwang, puwerteng dakoa na sa mabolsa sa mga tindahan. Sa tinamban nakong kuwentada, P125,000 ang ilang matikas matag adlaw.Haskang dakoa ining binuanga. Labawng nakapait mao nga hangtod sa akong pagsuwat ini wa pay bisan usa na lang ka tindahan dinhi sa Sugbo ug ubang bahin sa Pilipinas nga nasilotan sa nangalisbo nga kalapasan.
-o0o-
Ang DTI niingon nga ang tikas sa sukli nakalapas sa Consumer Act of the Philippines (R.A. 7394) labi na sa mga probisyon sa "Deceptive, Unfair and Unconscionable Sales Act or Practices." Nga nagtakda nga pangilad ang pagdumili paghatag sa saktong sukli kay ang konsumidor gidani pagsud sa transaksiyon pinaagi sa "concealment, false representation or fraudulent manipulation."Ang BSP nitataw sab nga ang pagpanukli og candies nakalapas sa Section 52 sa Article II sa New Central Bank Act: Unless otherwise fixed by the Monetary Board, coins shall be legal tender in amounts not exceeding P50 for denominations of 25 centavos and above; and in amounts not exceeding P20 for denominations of 10 centavos or less."
-o0o-
Di paigo nga magpaabot lang ang DTI ug BSP sa reklamo sa mga konsumidor. Samtang angayng dasigon ang katawhan sa pagpakabana, di mabasol ang usa ka konsumidor nga maghasol pagreklamo kay nakuwangan ang iyang sukli og P0.25. Labi na kay wa mabantog ang DTI ug BSP sa kapaspas pag-atiman sa mga reklamo sa publiko.Kon determinado gyong DTI ug BSP pagpatuman sa ilang mga lagda, sayon kaayong pagposte sa ilang mga kawani sa malls aron maoy mangunay pag-dokumento sa kalapasan. Sa bahin sa malls, kon tinuod ang lusot nga kuwang silag sensiyo, nganong di man itakda ang presyo sa notebook og P10 inay P9.75 ug sa lapis og P4 inay P4.25? [30] leo_lastimosa@abs-cbn.com
