Angayng mosukol na
Sa makausa pa, nabantang na sab ang kahakog sa higanteng mga kompaniya sa telepono. Human gimando sa National Telecommunications Commission (NTC) nga laslasan ang bayad sa text gikan sa P1 ngadto sa P0.80 matag usa, ug human sila nisaad nga motuman, nagpabaga sila paglansang lang gihapon sa karaang presyo.
Dihang gipahinumdoman sila sa NTC sa pagtuman sa sugo, sagol pasidaan nga posible silang masilotan, ang mga kompaniya sa telepono nagpapating pagsumbalik nga mas barato pa kay sa P0.80 ang bayranan sa matag text, gani maisip na lang nga P0.10 ra matag usa, tungod sa daghan nilang promo.
Ang labing lig-ong ebidensiya sa kainutil sa NTC, labaw sa kapakyas pagpaubos sa pinaburot nga bayranan sa text messages ug voice calls, mao ang kapakyas pagpanalipod sa mga konsumidor. Kutob ra sila sa pagdasig sa mga konsumidor nga nabiktima sa pagpangawat sa loads ug ubang binuang sa pagreklamo. Apan human sa pila ka tuig way bisan usa ka kaso nga naimbestigar ug labaw nang way bisan usa ka telco nga nasilotan.
Sa usa sa iyang mga State of the Nation Address (Sona), si Arroyo mapagarbuhon nga nipahibawo nga nilampos ang iyang pamunoan sa paglaslas og katunga sa bayranan sa text messages gikan sa P1 ngadto sa P0.50 na lang. Pagka sunod adlaw, igo lang siyang gitubag sa telcos nga promo ra ang ilang paglaslas sa presyo sa text messages.
Mapaubsanon kong mohagit sa Consumers Right for Economic Welfare (CREW) sa pagbarug alang sa mga konsumidor sa subscribers sa mobile phones ug ubang produkto sa mga kompaniya sa telepono. Panahon na nga may maisugon ug matinud-anon nga mosubli sa makalibog nilang promos ug uban pang binuang nga mga lipatlipat. Nga kanunayng makapahugno sa mga konsumidor. Kay gisaaran nilag bituon apan kanunayng gibundakan og bato. [30] leo_lastimosa@abs-cbn.com
Sa makausa pa, nabantang na sab ang kahakog sa higanteng mga kompaniya sa telepono. Human gimando sa National Telecommunications Commission (NTC) nga laslasan ang bayad sa text gikan sa P1 ngadto sa P0.80 matag usa, ug human sila nisaad nga motuman, nagpabaga sila paglansang lang gihapon sa karaang presyo.
Dihang gipahinumdoman sila sa NTC sa pagtuman sa sugo, sagol pasidaan nga posible silang masilotan, ang mga kompaniya sa telepono nagpapating pagsumbalik nga mas barato pa kay sa P0.80 ang bayranan sa matag text, gani maisip na lang nga P0.10 ra matag usa, tungod sa daghan nilang promo.
-o0o-
Labaw pang nabantang na usab ang kainutil sa NTC. Nga sud na sa kinadugayan nga panahon nagpatara lang sa grabeng pangabuso sa mga kompaniya sa telepono. Sa tagsaon kaayong higayon nga nangisog ang NTC, dali ra kaayo silang napugngan tungod sa pagdangop sa telcos sa mga hukmanan.Ang labing lig-ong ebidensiya sa kainutil sa NTC, labaw sa kapakyas pagpaubos sa pinaburot nga bayranan sa text messages ug voice calls, mao ang kapakyas pagpanalipod sa mga konsumidor. Kutob ra sila sa pagdasig sa mga konsumidor nga nabiktima sa pagpangawat sa loads ug ubang binuang sa pagreklamo. Apan human sa pila ka tuig way bisan usa ka kaso nga naimbestigar ug labaw nang way bisan usa ka telco nga nasilotan.
-o0o-
Di ni unang higayon nga gipakauwawan sa mga kompaniya sa telepono ang NTC ug ang gobyerno. Gani, dihay higayon nga si kanhi presidente Arroyo gyod ang ilang giinsulto. Ug kon may nagduda pa sa kahawod sa telcos, bisan si Arroyo way nahimo batok nila.Sa usa sa iyang mga State of the Nation Address (Sona), si Arroyo mapagarbuhon nga nipahibawo nga nilampos ang iyang pamunoan sa paglaslas og katunga sa bayranan sa text messages gikan sa P1 ngadto sa P0.50 na lang. Pagka sunod adlaw, igo lang siyang gitubag sa telcos nga promo ra ang ilang paglaslas sa presyo sa text messages.
-o0o-
Kon padayong magpaabot nga mokihol ang NTC, makaluluoy ang mga konsumidor. Padayon silang tulison sa atubangan ug yatakyatakan sa higanteng mga kompaniya sa telepono. Ang bugtong paagi nga mapanalipdan ang ilang kaugalingon ug mabadlong ang nahiagoman nga pangabuso mao ang paghugpong sa ilang kaugalingon ug paghiusa pagbarug batok sa hakog nga telcos.Mapaubsanon kong mohagit sa Consumers Right for Economic Welfare (CREW) sa pagbarug alang sa mga konsumidor sa subscribers sa mobile phones ug ubang produkto sa mga kompaniya sa telepono. Panahon na nga may maisugon ug matinud-anon nga mosubli sa makalibog nilang promos ug uban pang binuang nga mga lipatlipat. Nga kanunayng makapahugno sa mga konsumidor. Kay gisaaran nilag bituon apan kanunayng gibundakan og bato. [30] leo_lastimosa@abs-cbn.com
