Sudya ni Gloria
Kon hinayunon sa mga sakop sa Kongreso pagpatawag si kanhi presidente Gloria Arroyo sa imbestigasyon sa lapad nga pagpanikas sa piniliay sa 2004 ug 2007 ug sa ubang mga eskandalo sa siyam ka tuig niyang pamunoan, karong nakagawas na sa St. Luke's Medical Center human sa malampusong operasyon sa iyang cervical spine aron paghunong sa grabeng sakit ug sa "neurologic deficit" tungod sa pinched nerve, maghuwat una sila.
Matod sa usa ka panon niyang mga doktor pagaw si Arroyo, di siya patingugon sa mosunod nga usa ka semana ug kinahanglan nga mopahuway sa mosunod nga usa ka buwan sa harianon niyang pinuy-anan sa La Vista, Quezon City.
Kon wa pang kabantay ang kanhi presidente, nagkagamay na ang ilang kalibotan. Di na siyang kapaabot nga duphan sa bag-ong Ombudsman, si Conhita Carpio-Morales, kinsa nipasidaan nang daan nga unahon niya pag-atiman ang mga pasangil batok nilang Arroyo ug mga alyado ug ubang high profile cases.
Padayon bang nahadlok si Aquino nga pabiling ginawongan ni Arroyo ang nagkalainlaing ang-ang sa mga hukmanan ug ubang mga institusyon, sama sa Simbahang Katoliko ug sa militar ug kapolisan?
Maong sa gusto o sa dili ni Arroyo, maayo nang iyang pagaw, mobalik nang kalig-on sa iyang panglawas, mawad-an na og bisan unsang palusot ang iyang bana ug mapugos na sila sa pag-atubang sa mga imbestigasyon ug pagtubag sa mga pasangil batok nila. Kon hangtod karon wa pa silang kabantay, nagkaduol ug di na kapugngan ang adlaw sa panudya. [30] leo_lastimosa@abs-cbn.com
Kon hinayunon sa mga sakop sa Kongreso pagpatawag si kanhi presidente Gloria Arroyo sa imbestigasyon sa lapad nga pagpanikas sa piniliay sa 2004 ug 2007 ug sa ubang mga eskandalo sa siyam ka tuig niyang pamunoan, karong nakagawas na sa St. Luke's Medical Center human sa malampusong operasyon sa iyang cervical spine aron paghunong sa grabeng sakit ug sa "neurologic deficit" tungod sa pinched nerve, maghuwat una sila.
Matod sa usa ka panon niyang mga doktor pagaw si Arroyo, di siya patingugon sa mosunod nga usa ka semana ug kinahanglan nga mopahuway sa mosunod nga usa ka buwan sa harianon niyang pinuy-anan sa La Vista, Quezon City.
-o0o-
Apan gawas sa iyang sakit, nga di mahimong gamiton nga panagang hangtod sa hangtod, ambot unsa pay nahibilin sa baraha ni Arroyo. Ang iyang bana, si kanhi first gentleman Mike Arroyo, nga nikalit lang sab og kaluya ug nidalidali paglupad sa Hong Kong human pasnginli nga namugos sa kapolisan pagpalit sa ginamit nilang choppers sa brand new ug pinaburot nga presyo, paspas kaayong napahimutang sa watchlist sa Buro sa Imigrasyon.Kon wa pang kabantay ang kanhi presidente, nagkagamay na ang ilang kalibotan. Di na siyang kapaabot nga duphan sa bag-ong Ombudsman, si Conhita Carpio-Morales, kinsa nipasidaan nang daan nga unahon niya pag-atiman ang mga pasangil batok nilang Arroyo ug mga alyado ug ubang high profile cases.
-o0o-
Kon mahinumdoman, ang mga suod ni Presidente Noynoy Aquino nipasabot nga mapanagan-on siyang nituki sa nangalisbo nga mga transaksiyon sa niaging pamunoan tungod sa ilang gikahadlokan nga "landmines" nga gibilin ni Arroyo. Usa nila, ang makabungog nga mayoriya ni Arroyo sa Korte Suprema, nibasura dayon sa labing unang executive order ni Aquino nga nitukod sa Truth Commission nga pangulohan unta ni kanhi Chief Justice Hilario Davide Jr.Padayon bang nahadlok si Aquino nga pabiling ginawongan ni Arroyo ang nagkalainlaing ang-ang sa mga hukmanan ug ubang mga institusyon, sama sa Simbahang Katoliko ug sa militar ug kapolisan?
-o0o-
Ang labing epektibong alkontra ni Aquino sa "landmines" ni Arroyo mao ang lapad nga suporta sa katawhan nga padayon niyang gipahimuslan. Kay di mahitabong mangahas paglihok ang militar ug kapolisan batok sa kagamhanan kon way igong suporta gikan sa publiko. Ang popularidad ni Aquino makapugong sab sa simbahan ug mga hukmanan gikan sa hingpit nga pagpagamit sa mga maniobra sa kanhi presidente.Maong sa gusto o sa dili ni Arroyo, maayo nang iyang pagaw, mobalik nang kalig-on sa iyang panglawas, mawad-an na og bisan unsang palusot ang iyang bana ug mapugos na sila sa pag-atubang sa mga imbestigasyon ug pagtubag sa mga pasangil batok nila. Kon hangtod karon wa pa silang kabantay, nagkaduol ug di na kapugngan ang adlaw sa panudya. [30] leo_lastimosa@abs-cbn.com
