Arangkada for August 22, 2005

 

                 LISO ANG UTOK?

 

         Unsa man intawoy nasud sa ulo ni Cebu City Health Officer Fe Cabugao?   Nganong iya mang gibasura ang dugay na kaayong baruganan sa iyang upisina batok sa pagamit og mga kemikal batok sa dengue?  Duna ba siyay nadiskubrehan nga magic chemical nga nakapaliso sa iyang utok?   O naliso lang gyod ang iyang utok?

         Si Dr. Cabugao nagpabiling tak-om atubangan sa sibaw nga kontrobersiya sa pagpangompra sa Syudad sa Sugbo og kemikal bisan sa tambag sa iyang upisina ug sa Department of Health nga di ni epektibo batok sa dengue.   Pero sa pakisusi ni Ramil Ayuman sa TV Patrol Central Visayas sa Bids and Awards Committee, nabisto nga si Cabugao diay ang nipirma sa purchase request (PR) niadtong Abril 11, 2005 para sa 500 litros nga kemikal nga balor og P1.2 milyones.

-o0o-

         Gipakauwawan ni Cabugao di lang ang iyang buhatan kon dili hasta nang iyang propesyon.   Maayo kaayo siyang niyangu-yango nilang DOH 7 Director Susana Madarieta ug ubang eksperto sa ilang pagkuwestiyon sa padayong pagamit sa fogging machines ug mga kemikal.  Pero sa tago nagpanilap diay siyang nipirma sa PR.

         Naglaom ko nga nauwaw si Cabugao sa iyang gihimo.  Kay dungan sa iyang pagkuwestiyon sa pagdeklarar og state of calamity sa Cebu City Council, duha ka buwan human niya pirmahi ang PR, iya man sang gisaway ang pagpamalit sa lokal nga mga opisyal labi na sa mga barangay kapitan sa mga kemikal ug fogging machines.

         Mas dako hinuon ang akong pagduda nga si Cabugao morang lusay.   Way klaro.  Nagpaanod lang bisan asa ihapak sa mga bawod.

-o0o-

         Kay pila ka adlaw human nisupak sa deklarasyon sa state of calamity, ambot gikunsaran bag di ingon nato o tinuod nga gikasab-an siyag konsehal, gisuportahan na sab niyang ahat nga deklarasyon.   Way kaikog ni Dr. Eric Tayag, pangu sa National Epidemiology Center, kinsa nangisog pag-nawong sa mga konsehal atol sa special session sa niaging semana nga dakong sayop ang ilang gihimo.

         Mosimpatiya ko ni Cabugao kon nahadlok lang siya sa mga politiko nga nanghilabot sa iyang trabaho aron pagduso sa personal nilang mga interes, sama sa pagpangomisyon sa minilyon ka pesos nga balor sa kemikal.   Pero kon tugotan na lang sang mabuong ang iyang kadungganan pinaagi sa way kinutobang nukus-nukos ug atras-abante, mahukasan na sa iyang kaligdong pagpabilin sa puwesto.

-o0o-

         Kasaligan nakong tinubdan nagbutyag nga si Cabugao di na bag-o sa politika.   Natudlo siya sa puwesto kay lider sa BO-PK sa Barangay Tinago.  Nidagan siya pagka barangay kapitan pero gilampornas ni Kapitan Joel Garganera.

         Mao diayng wa managana pagpagamit sa iyang upisina sa mga politiko.   Angay hinuong tubagon ang mas seryusong pasangil:  Tinuod bang gipangilisan ang sinaligang mga opisyal sa City Health maong nagkayamukat ron ang kampanya sa dengue?   [30]  leo_lastimosa@abs-cbn.com

Arangkada for August 21, 2005

 

                 BILIB NI RAMA

 

         Bisan di hingpit nga makapanghunaw sa mga bulilyaso sa mga sakop sa iyang giduma nga Cebu City Council, si Bise Mayor Michael Rama angayng pahalipayan sa iyang pagpangunay pagsusi sa mga pasangil nga gigamit ang konseho sa pagpalusot sa kuwestiyonableng mga transaksiyon sa pagpamalit og mga kemikal ug mga makina batok sa dengue bisan kon dugay na silang gitambagan nga di ni epektibo pagpatay sa mga lamok.

         Si Rama makahimo unta pag-isnab sa mga sakop sa media nga nikuwestiyon sa kaligdong sa pipila nila ka mga lakang.   Duna siyay igong gahom paglisudlisod ni bisan kinsang peryodista nga mangahas pagsusi sa mga dokumento sa konseho.  Ang iyang kahinog sa politika nakahimo niyang takos pakig-away sa media ug paghulga sa mga sabaan nga namasangil og mga anomaliya pero way napresentar nga mga ebidensiya.

-o0o-

         Pero gipili ni Rama ang pag-atubang sa mga pasangil.  Human sa pasiunang pagdupa sa mga konsehal, iyang gipa-utingkay ang mga dokumento sa nangagi nilang mga sesyon nga nituki sa gikuwestiyon nga mga transaksiyon.  Gustong pamatud-an ni Rama nga kon duna may mga konsehal nga nanguwarta sa ilang mga puwesto, wa nila magamit ang City Council.   Nga ang pangurakot nahimo samtang nagtuman sila sa executive functions nga gisangon ni Cebu City Mayor Tomas Osmena, sama sa pagpangabogar og kadudahang mga transaksiyon bugti sa suburno o pahalipay sa makapabor nga mga negosyante.

         Pero niangkon nang daan si Rama nga way garantiya nga napugngan nila ang tanang mga palusot nga mahimong gipasukip sa labing inosenteng mga resolusyon nga wa nila matarung sa pagtuki.   Maong dalayegon ang iyang pagpangita inay paguba sa mga ebidensiya sa posibleng mga anomaliya sa iyang tugkaran.

-o0o-

         Ang pasiunang nadiskubrehan ni Rama, samtang wa kamatuod sa mga pagduda sa panguwarta, makapanlipaghong sa kauwaw sa iyang kaubanan.   Pananglitan nabuko ang pangangkon ni Konsehal Jack Jakosalem nga ang mist spray machines gikan sa Germany para sa agrikultura kay segun sa minutes sa konseho niangkon man siya dihang gipangutana ni kanhi konsehal Carmen Piramide kapin na sa usa ka tuig ang nilabay nga para sila sa dengue.

         Nahibaw-an sang Rama nga ang mga konsehal nga nanghunaw ron sa kuwestiyonableng mga transaksiyon wa mokuwestiyon nilang Christopher Alix, Gerardo Carillo ug Jakosalem.   Matod ni Rama kon nagtuman pa lang untang tanan sa ilang trabaho di unta moulbo ang kontrobersiya.

-o0o-

         Nagpasalamat ko nga bisan sa pila ka tuig na nilang panag-uban, kay mangaon ug mag-inom man kada human sa sesyon, ug bisan wa masagoli og oposisyon, wa pa sila magkasabot pagtinabonay sa ilang mga baho.

         Kontrabida na si Rama sa iyang kaubanang lain og sabaw.  Pero madawat niyang pagdayeg sa kinabag-an sa mga konsehal nga nagbinut-an ug sa mga Sugbuanon nga nipahimutang nila sa katungdanan.  [30]  leo_lastimosa@abs-cbn.com

Arangkada for August 20, 2005

 

PABORITO NI ALIX

 

         Si Cebu City Councilor Christopher Alix, tsirman sa Committee on Health sa Cebu City Council, inay mauwaw sa pagkabisto sa iyang pagwaldas sa kuwarta sa Sugbuanong mga magbubuhis sa kampanya batok sa dengue, padayong nagpaugat.   Niinsistir siyang epektibo ang iyang paboritong mga mga kemikal ug nga wa mausik ang kuwarta nga gigasto sa taphaw niyang panagang sa dengue:

• Ang kemikal tinuod gyod nga makapatay sa mga lamok; ug
• Ang fogging ug mist spray machines wa mausik kay gigamit gikan sa buntag hangtod sa hapon gikan sa Lunes hangtod sa Sabado.

-o0o-

         Si Alix usa ka dentista, dili eksperto sa tropical infectious diseases.  Samtang makapangangkon nga siyay labing suhito sa bag-ang, di siya makalalis sa tinuod nga mga doktor nga nagtuon sa dengue, kinsa niingon nga ang kemikal pikatan lang sa mga lamok nga sayon rang makabalhin sa laing lugar ug, kon matsambahan mang dagkong lamok, magpabiling buhi ang mga itlog.

         Ug bisan pa kon 24 oras kada adlaw ug pito ka adlaw kada semana pa nga gigamit ang mga makina nga gitubilan sa iyang paboritong kemikal, kay mahadlok mang mga kawani sa Cebu City Health Department nga binabuyon niya og kasaba kon mosukwahi sa iyang kamahigugmaon sa mga kemikal, mas epektibo gihapon, gawas nga way minilyon ka pesos nga mausik, ang pagyabo sa nagpondong tubig ug pagpangitag lutsanan sa nabara nga mga kanal.

-o0o-

         Kon may delicadeza si Konsehal Alix, nganong gitugotan man ang Colonie Enterprises, iyang paboritong supplier sa iyang paboritong kemikal, ang MaxiFog, nga maoy nibangka sa makabusdik nga paniudto sa tanang health inspectors nga gitapok sa Cebu City Health building niadtong Biyernes?

         Kon may uwaw si Alix, nganong wa man siyay kukaikog nga niawhag sa health inspectors pagpaspas og gamit sa mga kemikal?   Gikuwangan ba lang sa manok ug pansit nga gisukad sa supplier?  O naghigwaos na sab sa iyang paboritong bisyo, ang pagpangompra sa iyang paboritong kemikal?

-o0o-

         Di na maihap ang mga bulilyaso ni Alix sa iyang pagduma sa Committee on Health.   Giprotestahan siya niadto sa mga doktor sa Cebu City Medical Center tungod sa kaguliyang nga niulbo sa iyang pagpanghilabot pagduma sa ospital.   Si Alix man gani ang gitumbok nga usa sa hinungdan sa masuk-anong hulga ni Cebu City Mayor Tomas Osmena pagsera sa CCMC.

         Diriyot sab siya ikasumbagay sa dakong opisyal sa City Health niadto nga nisalikway sa iyang pagsuway pagdiktar unsay mga programa nga ilusad ug, nakatag-an mo, unsay mga sangkap nga komprahon.

         Nganong padayon mang gisaligan si Alix pagpangu sa Committee on Health?   Hinaot nga tungod lang kay way laing doktor sa konseho.  Ug dili tungod kay maayo siyang namahin sa mga premyo sa iyang paboritong mga "bulilyaso."   [30]  leo_lastimosa@abs-cbn.com

August 19, 2005

 

           ILAD SA KEMIKAL

 

Karon nahibawo na ko nganong managsama ang katin-awan sa mga konsehal sa Syudad sa Sugbo nga agresibong niduso sa pagpamalit sa mahalon nga mga kemikal ug mga makina batok sa dengue sa pagpanalipod sa kuwestiyonable nilang transaksiyon. Pulos diay sila nakabasa, ug posibleng pulos nakasag-u, sa leaflets nga giapod-apod sa supplier sa paborito nilang kemikal.

Ang Colonie Enterprises nga nagbase sa Tipolo, Mandaue City maoy bugtong niapil sa subasta pag-suplay og 500 litros sa "agua resigen" chemical nga gipangayo sa Cebu City Health department. Bisan wa silay karibal, wa mokumpiyansa ang Colonie. Gipabahaan nilang mga opisyal sa syudad sa leaflets nga nihulagway sa ilang kemikal nga MaxiFog nga "fogging concentrate for the control of dengue-carrying mosquitoes."

-o0o-

Ang linya sa leaflet nga nakapa-ilad sa mga konsehal, samang Jack Jakosalem, ug maoy ilang gikopya pagpasabot sa publiko sa ilang bulilyaso mao ni: "MaxiFog 2.5 EC functions through contact and acts quickly on the insects' nervous system, causing paralysis and eventual death within minutes. It kills mosquitoes instead of repelling them."

Sa yanong pagkasulti, mo-epekto lang ang MaxiFog kon maigo ang lamok. Ang problema mao nga bisan gamiton pang mist spray machines gikan sa Germany, nga nakompra sab tungod sa paningkamot ni Jakosalem, di madutlan sa MaxiFog ang mga itlog. Gawas nga pikatan lang sa dagkong lamok, kay wa pa may makinang na-imbento nga makapatugpa sa makamatay nga mga lamok gikan sa paglupad paingon sa laing lugar, pagtakod sa bag-ong mga biktima ug pagpalapad pa sa problema.

-o0o-

Pero ang Colonie wa motoo sa ilang propaganda. Kay sa ilang gilista nga mga paagi pagbadlong sa dengue, nakalimtan pag-apil ang panginahanglan pagbomba sa MaxiFog:

• Remove water from plant plates;
• Change water in flower vases every seven days;
• Overturn pails and watering cans and store them in a sheltered place;
• If going for a holiday, cover toilet bowls and drains;
• Check your roof gutters for blockages regularly; and
• Dispose of unwanted containers into a refuse bin lined with plastic bag; Fill up tree holes and ground depressions with sand or cement.

Mao ra. Sa ato pa, ang Colonie mismo kumbinsido nga igo

nang panagang sa dengue ang pagpanlimpiyo sa palibot. Sila na lang gyod diay si Christopher Alix, Gerardo Carillo ug Jakosalem ang nagpabilin sa langob sa ka-ignorante.

-o0o-

Kahibudngan nang daan nganong giisnab ang subasta sa ubang suppliers sama sa 4A Agro Enterprises, mahimo bang tubagon sang Cabugao ang mosunod nga mga pangutana:

• Kinsa may nagtudlo niya sa kemikal nga gamiton?
• Kinsa may nagdiktar niyang 500 litros ang pangayuon?
• Kinsa may nisugo niya pagtakda sa presyong P3,000 kada litro?
• Makapasalig ba siyang wa gitino ang kemikal aron Colonie ray mosubasta? [30]  leo_lastimosa@abs-cbn.com

Arangkada for August 18, 2005

 

           HADLOK SA HUSAY

 

Human lumsi ang katawhang Pilipinhon sa propaganda sa administrasyon ni Presidente Gloria Macapagal-Arroyo nga huyang, minao-mao ug di kapamatud-an ang tanang testigo ug mga ebidensiya sa oposisyon batok sa presidente, gipalihok sa Malakanyang ang langit ug yuta aron nga di mahusay ang impeachment complaint batok ni Presidente Arroyo.

Human nipasalig nga andam si Presidente Arroyo nga manalipod sa iyang kaugalingon, kay ang iyang kaligdong ug katakos maoy makapa-absuwelto niya sa seryusong mga pasangil nga iyang gigamit ang payola sa jueteng pagtikas sa niaging eleksiyon, ang administrasyon nidangop sa tanang hugaw ug bastos nga mga maniobra aron nga mabasura ang kaso sa di pa kasugdan paghusay.

-o0o-

Dako ning tamparos sa mga grupo nga kusganong nisupak sa sibaw nga mga awhag para sa resignasyon ni Presidente Arroyo. Para nila pagpanglaktod ug di makiangayon para sa presidente nga mokanaog sa puwesto bisan wa pa kapamatud-i ang mga pasangil batok niya ug sa iyang pamilya. Niawhag sila nga hatagan ang presidente og higayon pagpanubag sa mga pasangil batok niya pinaagi sa impeachment process.

Unsa man karoy gibati ning mga grupoha sa makauuwaw nga salidang gipakita sa mga kongresistang sakop sa House Justice Committee, nga maoy gitugyanan paghimo sa pasiunang imbestigasyon sa impeachment complaint? Ang siniyagitay ba sa mga kongresista ug ang ilang pagsalida atubangan sa mga kamera ug mga mikropono ang ilang gipaabot sa solemneng proseso paghusay sa kaso batok sa presidente?

-o0o-

Ang mga torotot sa administrasyon niingon nga di ta angayng ma-eskandalo. Kay ang impeachment usa ka politikanhong proseso. Bisan sa tanan nilang pakauwaw, giawhag ta sa Palasyo nga padayong mosalig sa Kongreso nga makatuman sa ilang trabaho.

Kabahin ba sa proseso ang kinamangay sa mga kongresista, pagtanyag nilag kuwarta ug mga proyekto, pagtudlo sa ilang mga paryente sa dagkong puwesto sa gobyerno, paghudlat nga ibisto ang mga may gitagoang mga eskandalo, aron lang pagseguro nga di kaabot og 79 ang mopirma sa impeachment complaint nga maoy makapasutoy ini ngadto sa Senado?

-o0o-

Ako pabiling nisalig sa kaligdong sa kinabag-an sa katawhan. Naniid sila sa mga panghitabo uban ang dakong tinguha pagsusi unsa kalig-on ang mga testigo ug mga ebidensiya batok sa presidente. Kon maklaro nga di makiangayong luokon sa administrasyon ang oposisyon, ang katawhan di moduko pag-absuwelto sa presidente.

Usa sa mga timailhan asa kapusta ang katawhan: Si Kongresista Francis Escudero, ang House Minority Floor Leader, kansang pamilya itoy ni Erap ug ni Marcos, gihulagway na nga ligdong ug takos nga mahimong senador o bisan gani presidente. Samtang si DENR Secretary Mike Defensor, human sa labing dakong salida sa iyang kinabuhi sa iyang pagkuwestiyon sa kaligdong sa Garci tapes sa niaging semana, gihulagway nga umaabot nga announcer sa circus. [30]  leo_lastimosa@abs-cbn.com

Mike & Chiz

Lucid Interval : Spliced for life

Rowena Guanzon rguanzon@inquirer.com.ph
INQ7.net

THERE is a saying that "whom the gods wish to destroy, they first make mad with power." In the case of Gloria Macapagal-Arroyo's loyal henchmen, that should be shortened by omitting the last two words. Maybe the megalomania toxins in Malacañang can really addle the brain. Add to that all the narcissism particles in the air that one can inhale or take in by osmosis even while doing the most mundane thing as trying to look intelligent, and you have Cabinet members who are no match for Dustin Hoffman in "Rain Man."

After Secretary Mike Defensor's presentation of his revelations of the spliced tape, Malacañang is now in extreme danger of really being called a nuthouse, and his boss as a woman who is now "spliced for life." This administration is going down in history not only as the most despised, but also as the most laughed at. It should not insult further the intelligence of the people who can see through their shenanigans. Its attempts to win back the public's attention are hilarious, but this latest act of Defensor is murderous. It is the blade that strikes the deathblow to the administration's heart. After this, Mike Defensor will never be the same again.

Defensor said that the American audio expert paid by him said that the tape was spliced. In the Inquirer yesterday, this expert said he said no such thing. To top it all, Defensor's favorite audio expert, Jonathan Tiongco, is someone not even Department of the Interior and Local Government Secretary Angelo Reyes and the National Bureau of Investigation, loyal supporters of Gloria Arroyo, will touch with a 10-foot pole. After this, all other attempts of Gloria Arroyo's men (thank goodness the women are staying out of it) will be ridiculed no end. The advice that comes to my mind is what our law professor used to say when students cannot answer during recitation -- "go home and plant camote."

Gloria Arroyo will not resign despite her negative ratings in the polls and said she welcomes an impeachment. She chooses to govern a people who do not want her, and knowing her politics only too well, submits instead to the will of their representatives. The people, the church and civil society are supposed to be pacified with the impeachment as the final battleground, yet Gloria's boys are throwing every monkey wrench they can get hold of to kill the impeachment before it can begin.

Anticipating the impeachment, Defensor would not have made his latest attempt without Gloria Arroyo's knowledge, approval or acquiescence. The motive is of course suspect. They tried, but failed, to create a doubt in the people's minds if it was indeed Gloria Arroyo in a taped conversation with then-election commissioner Virgilio Garcillano, who up to now cannot be found. As we lawyers and our courts would say, flight is a sign of guilt.

Why else would Defensor do this so late in the day? It is because they think they are one step ahead of the impeachment. They also want to influence the thinking of the undecided or independent minded members of the House of Representatives. In other words, by propaganda, they are trying to influence the jury. They know (if they know not, why, they are suffering from delusion) that even before the impeachment could start, Gloria Arroyo has lost the people's trust. The impeachment is a test if our democratic institutions work. It is the area where both Gloria Arroyo and the people agree the issue should be settled.

Unfortunately, the representatives of the people in the House of Representatives are still searching their conscience, if they have any. While they are searching their conscience, the price of fuel and electricity has gone up, and very soon, the prices of basic commodities. The political tolerance of the poor will be further tested, even when many of them think that politics in this country is the game of the rich and the corrupt and whoever sits in Malacañang will cheat and steal anyway.

Defensor's latest caper is viewed with both ridicule and contempt because everyone knows he is totally loyal to Gloria Arroyo and they will do anything to stay in power. Instead of running the Department of Environment and Natural Resources, he has demoted himself to the unglamorous position of Gloria's propagandist. What aggravates his problem is that this is not the first time that Gloria Arroyo's loyal henchmen have tried to fool the people. The first attempt was Chavit Singson's display of technological ignorance, and now, Defensor's display of unabashed arrogance. Gloria Arroyo has admitted that she called up a Commission on Elections official and apologized for it, hoping that by doing so, the problem would go away.

While his boss used admission to pacify her critics, Defensor is attempting to create another defense, and that is, that Gloria Arroyo did not say the damaging words, especially the "yung dagdag, yung dagdag" ["the padding, the padding"]. Before he makes more blunders, Defensor should instead concentrate on saving our last remaining forests and hunt down all the illegal loggers.

These recent events show that moving heaven and earth to stay in power can cause dyslexia, and for some cabinet members, it is probably dementia. Gloria Arroyo's loyal henchmen are incapable of reading the people's mind. If they want to read some, they can go to the blog of the Philippine Center for Investigative Journalism, where I found this blogger who compares Defensor with House Minority Floor Leader Francis Escudero:

"Si Mike Defensor ay tulad ng isang mababaw na ilog, masyadong maingay, pero si Chiz ay isang matining na ilog, malalim at tahimik. Si Chiz ay simbolo ng kabataang may integridad at prinsipyo. Si Mike D ay simbolo ng batang TRAPO na maagang na corrupt ng kanyang amo, si Chiz ay magiging senador at posibleng maging Presidente. Si Mike D ay…. ewan ko kung saan pa ito pupulutin, siguro maging DJ na lang ito sa karera ng kabayo."

[Mike Defensor is like a shallow river, too noisy, but Chiz [Escudero] is a serene river, deep and silent. Chiz is a symbol of youth with integrity and principle. Mike is a symbol of the young traditional politician who has been corrupted early by his boss. Chiz will become a senator and possibly become president. Mike is … I don't know where he will end up, maybe he will become a horserace announcer.]

That hurts.

Inquirer Editorial

Editorial : Twin poisons

AROUND this time last year, 11 economics professors from the University of the Philippines prodded the government to adopt far-reaching fiscal reforms to narrow down the budget deficit and reduce its debts. Unless the needed reforms were taken, the group warned, the economy could collapse within two years, bringing chaos and violence such as those experienced by Argentina.

Picking up the warning, the administration of President Gloria Macapagal-Arroyo quickly put together an economic reform package that focused on raising new taxes and improving tax collection efficiency. The centerpiece of the program was the expansion of the value-added tax (VAT) to increase the rate to 12 percent from 10 percent and to lift the exemption given to some strategic sectors and products, like petroleum and electricity.

After several months of heated debates and administration arm-twisting, the measure was finally passed in May. The point man for the administration's economic reform package was the chair of the House committee on economic affairs, Rep. Joey Salceda of Albay province.

Now Salceda is again in the news, arguing not for collection of expanded VAT but deferment of its implementation. Collection of the tax has been put on hold temporarily by the Supreme Court, following a petition by the opposition questioning the constitutionality of some of its provisions. But Salceda says that even if the Court finds the law constitutional, the government should not collect E-VAT on oil products and power in the meantime, because to do so could trigger an economic meltdown.

Oil price increases in the first half of the year, Salceda pointed out, have pushed inflation to 8.4 percent, raised manufacturing costs and slowed down economic growth. With crude prices rising to $67 per barrel, imposing VAT and allowing the oil companies to recover the added cost would send gasoline prices above P40 a liter, he said. The higher cost of oil as well as electricity is "likely to stoke a second run of inflation and kill whatever growth impetus we have." Thus, he proposed that the government suspend the collection of the VAT on oil products and electricity until the international price of crude settles at $50 per barrel. "It would be fiscal folly, nay suicidal, to insist on its implementation at this point, even if there were no political crisis," he said.

That was not, of course, how the administration and Salceda sold the expanded VAT to his legislative colleagues and to the public. During the debates on the bill, what the administration deemed suicidal was the failure to pass the measure, since it would put in serious doubt the government's ability to pay its debts. Without the expanded VAT, it was then said, the country risked a credit rating downgrade, raising interest rates and limiting its ability to borrow from international financial institutions.

Little has changed since the time when the bill was being debated in Congress. The country's debts have not diminished. The budget deficit, which once seemed likely to narrow, is widening again, as both the Bureau of Customs and the Bureau of Internal Revenue failed to achieve their collection targets in July. And while crude prices have recently registered record highs, their upward trajectory was there for everyone to see. Sen. Joker Arroyo has said the possibility that crude would soar to $70 per barrel was already "factored" into the debates on the expanded VAT.

The more significant change apparently is not to be found in the economic field but in the political arena, where the President now finds herself fighting for survival amid accusations that she stole the election. Senate President Franklin Drilon said the Salceda proposal was a "trial balloon" to determine if the administration could get away with the non-implementation of a law that could be politically disastrous for the President. Senator Arroyo said the administration was engaging in "doublespeak" so that the President could "survive the political crisis," a view shared by some opposition senators.

Once again politics seems to be muddling an issue that should be weighed very carefully, given the serious implications of acting either way. But this is the sad reality President Arroyo has to face, now that she is being threatened with impeachment: that her every move will be suspected of being driven by the need to ensure her political survival. With suspicion polluting the air, it is difficult to see how the country can deal effectively with economic problems that demand the Filipinos' full attention and cooperation to overcome, like soaring crude prices and a crushing debt burden.