HAIN ANG HUSTISYA?
Buotan si Sr. Insp. Jose Liddawa Jr. Mao nay sulti sa suod niyang mga higala. Bisan nakita na sa tibuok Sugbo, ug bisan sa tibuok nasud ug kalibotan, ang iyang pagbarag-barag, pagsiyagit-siyagit ug pagpanukmag human nangilog og lane ug nakabangga og laing sakyanan kay hubog nga nagmaneho sa wa marehistro niyang awto.
Buotan sab silang Ramil Paican, Joel Noel ug Samuel Trangia. Mao nay pasalig sa suod nilang mga higala. Bisan nakita na sa tibuok Sugbo, nasud ug kalibotan ang gitagoan nga bahin sa footage nga mas grabe ang ilang bawos----gitabangan nila pagkulata si Liddawa hangtod nga nahagba sa dan ug gisukmag ug gigukod pa gyong ig-agaw sa opisyal nga igo lang untang niuwang nila.
-o0o-
Maong way bisan usa sa ilang mga higala nga nakaandam sa sunod nga nahitabo nila. Si Liddawa gisuspenso na ug posibleng matangtang gyod sa katungdanan. Samtang silang Paican, Noel ug Trangia pormal nang gitunolan sa ABS-CBN Broadcasting Corp. sa ilang termination order niadtong Lunes sa gabii.
Silang Liddawa, Paican, Noel ug Trangia nanambong og buwag nga parties niadtong gabii sa Septiyembre 17: Si Liddawa sa usa ka birthday party; silang Paican ug kaubanan sa opening party sa Press Freedom Week. Gidudahan nga pulos sila nakainom, bisan silang tanan niinsistir nga di sila hubog, dihang nagkatagbo ang ilang mga dan sa kadlawon na sa Septiyembre 18.
-o0o-
Si Liddawa maoy klarong sad-an sa bangga. Napamatud-an sa footage sa ABS-CBN, bisan dihang napakita na ang bahin nga gitagoan nilang Paican, nga si Liddawa ang nanguna pagsukmag ni Noel. Gipasanginlan sab hinuon si Noel nga nanungog niya. Busa si Liddawa nag-atubang karon og summary dismissal proceedings.
Silang Paican ug kaubanan gitangtang di tungod sa ilang pagbawos ug pagkulata ni Liddawa kon dili tungod sa giisip nga salang mortal sa industriya nga ilang gialagaran----ang ilang pagtago sa footage ug sa kinatibuk-ang panghitabo gikan sa kadagkoan sa ABS-CBN management nga nihatag nila sa tanang higayon pagtug-an sa kamatuoran.
-o0o-
Si Liddawa giingong nagsugod og huboghubog tungod sa suliran sa pamilya. Silang Paican ug kaubanan nipasabot nga gitagoan nilang footage tungod sa kahadlok nga sa kadako sa ranggo ni Liddawa panimaslan sila sa iyang mga sakop ug kaubanan.
Apan nakalapas sila sa mga lagda sa masig nila ka kahugpongan. Bisan bangis ang mga lagda atubangan sa ilang kabuotan, kinahalanglan nga ipatuman.
Di hinuon kapugngan ang mga tawo nga mangita sa hustisya ug kaangayan. Hangtod nga ang mga mas dagko ug mas gamhanan kay nilang Liddawa, Paican, Noel ug Trangia magpabiling kublan ug di madutlan sa mga lagda nga nagdili ug nagsilot sa mas dagkong krimen sa pagpahimus sa katungdanan ug pagpangyatak sa tawhanong katungod sa kinabag-an. [30] leo_lastimosa@abs-cbn.com
1 comment:
Sir Leo,
gud morning, I was listenning to your arangkada program this morning and heared the comments of Ramil Paican, what he felt that night of the incident and what he's been through and as well as the comments from listeners siding on Mr. Lidawa and Most of all the termination being handed by ABS-CBN management to Mr. Paican & company to which much of the listeners were shocked. Well for me Sir Leo, since judgement has been handed down by ABS-CBN management for the misconduct they have done,I would like to dare PNP, PNPA to do the same to Mr Lidawa to uphold the integrity of the police institution and spare them from humility, as seen on the footage it is very clear that he drew first blood a clear conduct of unbecoming for a police official, driving under the iinfluence of liqour, damaging gov't proerty is no excuse. He should also be kicked out of service and banned in entering gov't service. As I've heard over the radio after the incident of that fateful night friends of Mr. Lidawa commented that he is a good person and a quite person. Well,the way I see it Mr Lidawa has been hiding inside himself his true character until that fateful night. He finally broke his shell and let the whooooole nation know what he is as a police official. His actions are much the same with any other policemen getting drunk and run amock in their neighborhood brandishing and pointing thier pistol to civilians and together with it saying the popular word "Police ko", kinsay isug diri.
Transferring this policemen to another station or region as what PNP & PNPA is commonly doing, will not help the people, the institution and the country. As what a Capitol judge said "once a spoiled egg, always a spoiled egg. You tansfer a spoiled egg to a good tray of eggs still it is a spoiled egg" it doesnt change anything. One of these days I would like to hear or read in the news that PNP or PNPA impose their disciplinary actions and drop Mr Lidawa from any gov't service.
Thank you Sir Leo for taking time to read this comment of mine, Good day & more Power to you and staff.
Post a Comment