Alas sa email
Ambot nganong padayon nga nituo ang Philippine Postal Corporation (Philpost) sa ilang kaugalingong propaganda nga mobalik ang ilang naandang kinitaan kon makaamgo na ang katawhan nga ang koreyo mas kasaligan lang gihapon kay sa text, email ug ubang modernong kahimanan sa komunikasyon. Mangahas ko pagsulti nila nga ang mga nakasuway na sa kapaspas ug kakasaligan sa text, email ug ubang modernong teknolohiya sa komunikasyon di na mahitabong mobalik pa sa Philpost.
Tanang mahinungdanong komunikasyon nadawat nako sa tukmang panahon pinaagi sa text, email ug VoIP. Mga komunikasyon ra sa korte mahitungod sa kasong libelo nga gipasaka ni Gobernador Gwendolyn Garcia batok nako maoy nalangay. Kay, nakatag-an ka, gipaagi sila sa koreyo.
Ang mga pasidaan sa nag-ung-ong nga kamatayon sa email gihimo pila na ka tuig ang nilabay. Apan nagpabilin nga buhi ug baskog ang email. Ebidensiya ini mao ang padayong pagsalig sa higanteng social media networks sa email pagpahibawo sa ilang mga sakop sa bag-ong posts, links, letrato, o video nga ilang nadawat.
Hangtod karon, di magkasultianay ang YM, GT ug ubang networks. Nagkasabot nang Yahoo ug Microsoft ug ang Skype ug FB. Nisaad sang GT nga masumpay na nilang Skype. Apan tungod sa nagkasungi nilang mga interes sa negosyo, di mahitabong hingpit nga ablihan ang ilang sistema ngadto sa higpit nilang mga karibal.
Diriyot na gyod kong kapalit og fax machine dihang giingnan ko sa tindera nga nagkinahanglan ko og linya sa telepono aron maka-fax ug napugwat ko sa pait nga kamatuoran nga wa koy kuwartang ikapataod og landline. Nakabantay tingali sa akong kahugno, usa ka kaubang kawani nihunghong nako nga iyang nasuwayan nga ang among email (kaniadto @abs-pinoycentral.com, karon abs-cbn.com) makapada diay bisan sa email addresses sa gawas sa kompaniya. Makahinumdom pa ko sa kahibung sa mga panagway sa akong kaubanan dihang nagluksu-lukso ko pag-ayo niadtong adlawa. Wa nako sultii ngano. Hangtod karon. [30] leo_lastimosa@abs-cbn.com
Ambot nganong padayon nga nituo ang Philippine Postal Corporation (Philpost) sa ilang kaugalingong propaganda nga mobalik ang ilang naandang kinitaan kon makaamgo na ang katawhan nga ang koreyo mas kasaligan lang gihapon kay sa text, email ug ubang modernong kahimanan sa komunikasyon. Mangahas ko pagsulti nila nga ang mga nakasuway na sa kapaspas ug kakasaligan sa text, email ug ubang modernong teknolohiya sa komunikasyon di na mahitabong mobalik pa sa Philpost.
Tanang mahinungdanong komunikasyon nadawat nako sa tukmang panahon pinaagi sa text, email ug VoIP. Mga komunikasyon ra sa korte mahitungod sa kasong libelo nga gipasaka ni Gobernador Gwendolyn Garcia batok nako maoy nalangay. Kay, nakatag-an ka, gipaagi sila sa koreyo.
-o0o-
Ang kakaraan sa mga paagi sa Philpost mas mabantang sa mga pangangkon nga ang email mao ang bag-ong "snail mail." Kay mas makaapas sa panginahanglan sa mas paspas nga komunikasyon sa bag-ong panahon ang instant messaging (IM) ug VoIP (Voice over Internet Protocol) sa Yahoo Messenger (YM), Google Talk (GT), MSN Messenger, Facebook ug Skype.Ang mga pasidaan sa nag-ung-ong nga kamatayon sa email gihimo pila na ka tuig ang nilabay. Apan nagpabilin nga buhi ug baskog ang email. Ebidensiya ini mao ang padayong pagsalig sa higanteng social media networks sa email pagpahibawo sa ilang mga sakop sa bag-ong posts, links, letrato, o video nga ilang nadawat.
-o0o-
Ang alas sa email batok sa IM ug VoIP mao ang iyang katakos sa pakigsulti bisan sa karibal nga networks. Gawasnong mapada ug madawat ang emails gikan ug alang sa Yahoo Mail, Gmail, Hotmail ug bisan sa email servers sa pribadong mga kompaniya.Hangtod karon, di magkasultianay ang YM, GT ug ubang networks. Nagkasabot nang Yahoo ug Microsoft ug ang Skype ug FB. Nisaad sang GT nga masumpay na nilang Skype. Apan tungod sa nagkasungi nilang mga interes sa negosyo, di mahitabong hingpit nga ablihan ang ilang sistema ngadto sa higpit nilang mga karibal.
-o0o-
Makahinumdom pa ko sa adlaw nga nadiskubrehan nako ang magic sa email. Kapid-an ka tuig nang nilabay, dihang pila pa lang ka tawo ang may email accounts, gikapoy na ko paghatod sa hard copy ning akong column pinaagi sa pagbaktas gikan sa karaang buhatan sa ABS-CBN sa Leon Kilat ug P. del Rosario ngadto sa The Freeman sa V. Gullas.Diriyot na gyod kong kapalit og fax machine dihang giingnan ko sa tindera nga nagkinahanglan ko og linya sa telepono aron maka-fax ug napugwat ko sa pait nga kamatuoran nga wa koy kuwartang ikapataod og landline. Nakabantay tingali sa akong kahugno, usa ka kaubang kawani nihunghong nako nga iyang nasuwayan nga ang among email (kaniadto @abs-pinoycentral.com, karon abs-cbn.com) makapada diay bisan sa email addresses sa gawas sa kompaniya. Makahinumdom pa ko sa kahibung sa mga panagway sa akong kaubanan dihang nagluksu-lukso ko pag-ayo niadtong adlawa. Wa nako sultii ngano. Hangtod karon. [30] leo_lastimosa@abs-cbn.com
1 comment:
sir. i am jen bertulfo from lyceum of cebu, a college owned by the garcias. i have concerns i hope you can help me. please help me with my concern about our school. i have watch on tv last monday august 1, 2011, about the mandaue city college. we have similarities. our diploma has not been sealed and we cannot apply for board exam. it is because our school is not accredit as i heard. i have invested money and time to study but what i get is this. 2 departments education and accountancy as i heard is not properly accredit but why they are still functioning, is it because of mordeno the dean of education connected with ched? or is it own by the garcias? how about us? the lyceum has also been a lot of issues. especially teachers with no license or expired. please help us invistigate this. thank you sir.
Post a Comment