Tabang sa Negros
Dumaguete City, Negros Oriental--Sa among pagtabok sa Tañon Strait paingon dinhi, akong nahunahuna ang managlahi nga dagway sa duha ka tampi sa dagat: Sa usa ka bahin, ang Sugbo nga nagkahiusa pagpangaliya ug nabugkos sa hingpit nga simpatiya alang sa ilang silingang lalawigan nga nagusbat sa kabangis sa bagyong Sendong; ug sa pikas nga bahin, kining lalawigan nga inanayng nitimbakuwas gikan sa usa sa labing makalilisang nga katalagman nga ilang nahiagoman.
Nia ko dinhi aron pagtabang pag-apud-apod sa mga hinabang gikan sa mga Sugbuanon alang sa kaliboan ka pamilya sa Dumaguete ug ubang mga dakbayan ug kalungsoran sa Negros Oriental. Ang pagbangotan sa mga biktima naibanan sa kasayuran nga wa sila pasagdi sa ilang silingan nga mas dakong lalawigan.
Una ka kaabot dinhi, kinahanglan unang mobiyahe og kapin sa tulo ka oras paingon sa pantalan sa Bato, Santander, tunga sa oras paglatas sa dagat ug laing tunga sa oras nga biyahe gikan sa Tampi, Amlan paingon dinhi.
Ang matag pamilya nakadawat og tagsa ka food pack, nga may duha ka kilong bugas humay, duha ka latang sardinas ug tulo ka putos nga noodles, ug usa ka sako nga puno sa mga sinina. Samang mga hinabang ang amo nang nasugdan pagpada paingon sa Cagayan de Oro ug Iligan.
Daghan pang hinabang ang umaabot dinhi. Gawas sa Jagobiao, gihimo na sab namong pundohanan sa mga hinabang ang dakong gym sa Cebu Normal University (daghang salamat sa pagtugot nilang Dr. Marcelo Lopez, presidente sa CNU, ug ubang kadagkoan). Wa say hunong ang pagbaha sa mga hinabang sa nagkalainlaing drop-off points sa Kapamilya Relief Campaign sa tibuok Metro Cebu. [30] leo_lastimosa@abs-cbn.com
Dumaguete City, Negros Oriental--Sa among pagtabok sa Tañon Strait paingon dinhi, akong nahunahuna ang managlahi nga dagway sa duha ka tampi sa dagat: Sa usa ka bahin, ang Sugbo nga nagkahiusa pagpangaliya ug nabugkos sa hingpit nga simpatiya alang sa ilang silingang lalawigan nga nagusbat sa kabangis sa bagyong Sendong; ug sa pikas nga bahin, kining lalawigan nga inanayng nitimbakuwas gikan sa usa sa labing makalilisang nga katalagman nga ilang nahiagoman.
Nia ko dinhi aron pagtabang pag-apud-apod sa mga hinabang gikan sa mga Sugbuanon alang sa kaliboan ka pamilya sa Dumaguete ug ubang mga dakbayan ug kalungsoran sa Negros Oriental. Ang pagbangotan sa mga biktima naibanan sa kasayuran nga wa sila pasagdi sa ilang silingan nga mas dakong lalawigan.
-o0o-
Bisan mas duol sa Sugbo, mas lisod ang pagda sa mga hinabang paingon dinhi. Mas sayon ang pagpada sa mga hinabang alang sa Cagayan de Oro, nga mas nagrabehan ni Sendong, ug bisan sa Metro Manila nga gisantako ni Ondoy kapin sa duha ka tuig nang nilabay. Kay mas daghan ang barko nga kapilian ug kapangayoan og tabang sa paghakot sa mga kargamento.Una ka kaabot dinhi, kinahanglan unang mobiyahe og kapin sa tulo ka oras paingon sa pantalan sa Bato, Santander, tunga sa oras paglatas sa dagat ug laing tunga sa oras nga biyahe gikan sa Tampi, Amlan paingon dinhi.
-o0o-
Ang pasiunang listahan nga among nakuha gikan sa lokal nga mga opisyal naglakip lang sa kapin sa 10,000 ka pamilya nga naigo sa Dumaguete. Apan sa akong pag-abot dinhi, nitubo nang gidaghanon sa naapektahang mga pamilya ngadto sa 2,800. Kuwang kaayo ang pasiunang hinabang nga among nada. Maong ang tulo ka labing dagkong barangay lang una ang among nahatagan.Ang matag pamilya nakadawat og tagsa ka food pack, nga may duha ka kilong bugas humay, duha ka latang sardinas ug tulo ka putos nga noodles, ug usa ka sako nga puno sa mga sinina. Samang mga hinabang ang amo nang nasugdan pagpada paingon sa Cagayan de Oro ug Iligan.
-o0o-
Ang naghakot sa among mga hinabang mao ang wing van ni Bise Mayor Wilson Wenceslao sa Santander. Gilibre sang among plite sa Maayo Shipping. Mga molupyo sa Liloan, amihanang Sugbo ang ni-repack sa mga hinabang sa ABS-CBN Broadcast Complex sa Jagobiao, Mandaue City ug ang mga tinun-an sa Silliman University ang nitiwas pag-repack sa mga hinabang dinhi.Daghan pang hinabang ang umaabot dinhi. Gawas sa Jagobiao, gihimo na sab namong pundohanan sa mga hinabang ang dakong gym sa Cebu Normal University (daghang salamat sa pagtugot nilang Dr. Marcelo Lopez, presidente sa CNU, ug ubang kadagkoan). Wa say hunong ang pagbaha sa mga hinabang sa nagkalainlaing drop-off points sa Kapamilya Relief Campaign sa tibuok Metro Cebu. [30] leo_lastimosa@abs-cbn.com
1 comment:
This is what happened when the relief goods were to be distributed in CDO. As you are critical of many important people who DO NOT do what is right, perhaps you can be as critical to this presidential sister:
RE-POST: Actual report by Volunteer =Tess: last dec. 19 @ 2pm more or less my son with other abs cbn volunteers reported for duty.. when the truck abs cbn streamer was full of relief goods already, the team was instructed to proceed to Balulang evac. center to download and be ready for distribution the goods in the truck. while on their way to balulang, a call from the base instructed them to stop and wait for kris aquino and party. so the team waited for for these people. @ 6pm, a call from the base advised them to proceed instead to Brgy. Consolacion since Kris and party was there already. Imagine 3 hrs naghulat mga volunteers only to be instructed to go to Consolacion instead. Nag yawyaw na volunteers ngano ing ana pamaagi and my son even said in a loud manner " kang Kris ba diay ning mga relief goods? but the wala choice man but to heed to the instructions given...unsay pagtuo nila sa mga volunteers mga robot nga bahalag abtan midnight hulat2x ok lang di na kailangan foods to sustain them from doing the tasks? again, the team proceeded to Consolacion. sobra kaayo jud ka heavy ang traffic so hinay jud ang dagan sa truck....dawbe kay ang mga tao didto gutom na jud kaayo kay halos man pangbirahon na ang mga sinako relief goods but no instructions given yet if i distribute ang goods. ila na lang gi explainan volunteers ra sila and have to wait for further instructions..ga singgit na sila" unsa man na bay inyo ra na paibog. para unsa ra man na nga gidala dala dili ihatag?"gutom na daw sila kaayo. kinsa sad kaha wala nagutom sa nahitabo. hadlok na kaayo ang volunteers basin musaka na ang mga tao then sakwaton mga sinako nga goods.wala sad sila gipakuyugan ug volunteer-soldier or police for security reasons unta.. after a while, there came vans in convoy. Kris and party naman diay muagi with arrogant PSG men shouting "tabi kayo..saan ba mga pulis dito. sus nakurat tawon ang team nga mulakaway naman diay kris and party why pa man paadto pa sila didto? minutes after, a call from the base instructed them to leave Consolacion and head for Balulang again. OMG, ang relief goods gipalaway lang jud diay...upon reaching Balulang around 9pm more or less gisunodsunud jud tawon ang truck sa mga victims..wala lang gihapon instruction if i download na relief goods sa evac center. gihikap na pud sa mga evacuees ang sako2xng goods..they are shouting na nga manghatag na kay gutom na kaayo. wa man jud sila instruction as in pa lamo2x na lang sila di mamansin. kay nakita man lagi nila ang atreamer abs cbn relief ops. ug wala man sila balebaleha..nisinggit sila "aha naman inyong presidente?" Among Binay gkan na dinhi...nadawat nasad dayon sila call from the base instructing them to go back to base..grabe ila kauoy sa mga tao nga grabe pa trauma gidaladala then wla pa tagda ila pangamuyo tagaan sila. wal choice ang team but to go back to base but ni sekreto sila open sako then secretly hand in goods sa malabyan nila pero ila sad sinyasan "psst ayaw saba sa uban". hadlok man sila basin kalit mangdasuk mga tao..maapsan baya sila kay traffic pud hinay dagan sa truck.. mao na ila ordeal murag mas na trauma sila sa mga actuations sa network kay kita nila mismo ang mga situations sa mga areas affected nga ila naadtuan unya nag location-hopping lang man diay sila. ako na siya pa stop volunteer sa network and instead get involved thru NGO's.
We will be listening to you leo...
Post a Comment